لاہور( این این آئی )مسلم لیگ (ن) کی قیادت نے پارٹی کے سینئر رہنمائوں کو برطانیہ طلب کرلیا، شریف برادران کی زیر صدارت مشاورتی اجلاس آئندہ ہفتے برمنگھم میں ہوگا۔نجی ٹی وی نے ذرائع کے حوالے سے کہا ہے کہ خواجہ آصف، رانا تنویر، سردار ایاز صادق کو برمنگھم پہنچنے کی ہدایت کی گئی، اس کے علاوہ عطا اللہ تارڑ سمیت دیگر سینئر رہنما بھی قیادت کے حکم پر برمنگھم جائیں گے، رانا ثنا اللہ ای سی ایل میں نام ہونے کی وجہ سے برطانیہ نہیں جا سکیں گے۔ذرائع کے مطابق مسلم لیگ (ن)کے رہنمائوں کی جمعرات کو برمنگھم روانگی کا امکان ہے، (ن) لیگ اجلاس میں نیب آرڈیننس ترمیمی بل سمیت اہم معاملات پر مشاورت ہو گی ، مہنگائی پر حکومت کو پارلیمنٹ کے اندر ٹف ٹائم دینے کی حکمت عملی طے کی جائے گی، خواجہ آصف اپنے اوپر پارٹی رہنمائوں کی تنقید کا معاملہ بھی قیادت کے سامنے رکھیں گے۔